القملة والبرغوث

القملة والبرغوث
عن كليلة ودمنة بتصرف
حبيب حوراني
22-9-2012

في قملة استوطنت فراش رجل غني، وظلت هيك تمص دمه على السكيت شوي شوي وهو مو دريان، وبعد مدة ضيفت عندها برغوث وقالتلو تعال اسكن معي فراش تمام ودمات زراف وأحلى عيشة والمعثر مو حاسس بشي.

البرغوث ما كذب خبر سكن معها وصار يشفط دمات الرجل بس ما خلاها باللايق، ق رصو قرصة طير النوم من عيونو، فز الرجال من نومو وشعل الضو و ظل يدور هيك تا لقى القمله وفعسها، والبرغوث نط وفل وما بين له أثر.

هاض حال بيت الأسد صارلهم سنين بمصو دم الناس والناس يا حاسة وغارشة يا مو دريانة يا خايفة، لكن ما طاقوش نعمتهم وجابولنا كمان الايرانيين وتمدمدوا بالبلد وضاموا الناس، وهيك الناس ما عاد تحملت والآن بفتشوا على القملة ورح يمعسوها ووقتها البراغيث رح ترجع مكانها وتشمع الخيط وتهرب على الضاحية وطهران.